150 கோடியில் பஸ் நிலையம்..! எங்கு கட்டப்படுகிறது தெரியுமா?

குஜராத் மாநிலம் ராஜ்கோட்டில் 150 கோடி செலவில் பஸ் நிலையம் உருவாக்கப்பட உள்ளது.

மேலே பார்க்க கூடிய கட்டிடம், ஏதோ ஒரு விமான நிலையம் என நீங்கள் நினைத்தால் அது தவறு. இந்த கட்டிடம் குஜராத் மாநிலம் ராஜ்கோட்டில் அமைய உள்ள பேருந்து நிலையத்தின் மாதிரி தோற்றம் தான் இது. இந்த பேருந்து நிலையம் சுமார் 150 கோடி செலவில் கட்டப்பட்டுள்ளது. கடந்த ஏப்ரல் முதல் வாரத்தில் இதற்கான பூமி பூஜை போடப்பட்டுள்ளது. ஒரு விமான நிலையத்தை மாடலாக கொண்டு இந்த பேருந்து நிலையம் அமைக்கப்பட உள்ளது.

எட்டு மாடியில் கட்டப்பட உள்ள இந்த பேருந்து நிலையத்தில் மால், உணவகம்,தியேட்டர் போன்ற பல வசதிகள் அமைய உள்ளன. ஜி.பி.எஸ் , அனைத்துப் பகுதிகளிலும் கண்காணிப்பு கேமிரா போன்ற பாதுகாப்பு வசதிகளும் இங்கு ஏற்படுத்தப்பட உள்ளன. இதில் தரைத்தள பார்க்கிங் வசதியும் உண்டு.
தற்போது கட்டிடப்பணிகள் துவங்கியுள்ள இந்த பேருந்து நிலையம், இன்னும் ஒரு ஆண்டில் கட்டி முடிக்கப்படும் என எதிர்பார்க்கப்படுகிறது.

Comments

comments

Similar Articles